Mae ffordd ar gau wedi gwrthdrawiad rhwng car a lori ar yr M4 ger Llanelli.

Fe aeth y ddau gerbyd ar dân wedi'r gwrthdrawiad tua 23.20 nos Lun ar gyffordd 48 Hendy.

Roedd yn rhaid cau'r gyffordd i’r ddau gyfeiriad rhwng cyffyrdd 48 a 49.

Dywedodd Heddlu Dyfed-Powys bod disgwyl i’r ffordd fod ar gau nes prynhawn ddydd Mawrth.

“Cynghorir defnyddwyr y ffordd i osgoi'r ardal a chymryd llwybr arall os yn bosibl,” meddai’r heddlu.

“Rydyn ni’n rhagweld y bydd y ffordd yn parhau ar gau tan yn ddiweddarach y prynhawn yma.”

Llun: Traffic Wales.