Mae cyn gefnwr Cymru, Leigh Halfpenny wedi bod yn perfformio'r haka gyda’i dîm newydd, y Crusaders o Seland Newydd.

Fe wnaeth Leigh Halfpenny, a enillodd dros gant o gapiau i Gymru, ei ymddangosiad cyntaf i’r tîm nos Sadwrn ym Mharc Uí Chaoimh yn Cork wrth chwarae yn erbyn Munster.

Arwyddodd y Cymro gytundeb blwyddyn gyda’r tîm Super Rugby o Canterbury ddiwedd 2023 ar ôl cryn ddyfalu am ei ddyfodol yn y gamp.

Chwaraeodd y cefnwr ei gêm olaf i Gymru yn erbyn y Barbariaid ym mis Tachwedd.

Inline Tweet: https://twitter.com/ballsdotie/status/1753830276759703998?s=20

Boddi ger y lan oedd ffawd y Crusaders ar lannau afon Lee, neu An Laoi, yn Cork wrth iddyn nhw golli o 21 pwynt i 19 mewn gornest rhwng goreuon hemisffer y gogledd a’r de.

Bydd gêm nesaf y Crusaders yn erbyn y Chiefs ar 23 Chwefror.

Llun: Huw Evans.