Mae'r Swyddfa Dywydd wedi cyhoeddi rhybudd melyn am wyntoedd a fydd o bosib yn "gryf iawn" i rannau o Gymru dydd Llun wrth i Storm Debi agosáu.

Bydd y rhybudd yn dod i rym am 04:00 ac yn dod i ben am 18:00 ddydd Llun.

Mae posibilrwydd y gallai tai a busnesau brofi llifogydd, gan achosi difrod i rai adeiladau. 

Gall oedi fod yn debygol ar gyfer gwasanaethau trên a bws, gyda disgwyl i deithiau gymryd mwy o amser. 

Mae'r rhybudd yn effeithio ar y siroedd canlynol:

• Ceredigion
• Conwy
• Gwynedd
• Powys
• Sir Benfro
• sir Ddinbych
• Sir Gaerfyrddin
• sir y Fflint
• Wrecsam
• Ynys Môn

Inline Tweet: https://twitter.com/TraffigCymruG/status/1723643102739468650?s=20

Dywedodd llefarydd ar ran y Swyddfa Dywydd fod yna "rywfaint o ansicrwydd o hyd ynghylch union lwybr a dyfnder" y storm.

"Mae siawns y bydd gwyntoedd gorllewinol cryf iawn yn datblygu ar hyd arfordiroedd Môr Iwerddon yng Nghymru a gogledd-orllewin Lloegr fore Llun," medden nhw.

"Mae yna bosibilrwydd y bydd hyrddiau 60-65 mya ar y tir a 70-80 mya o amgylch yr arfordiroedd, a thros dir uwch."