Protestwyr Just Stop Oil yn chwalu gwydr a oedd yn gwarchod llun yn yr Oriel Genedlaethol
06/11/2023
Protestwyr Just Stop Oil yn chwalu gwydr a oedd yn gwarchod llun yn yr Oriel Genedlaethol
Mae dau brotestiwr amgylcheddol ar ran Just Stop Oil wedi chwalu gwydr a oedd yn gwarchod llun sy'n cael ei arddanogs yn yr Oriel Genedlaethol yn Llundain.
Defnyddiodd y protestwyr forthwylion diogelwch er mwyn torri'r gwydr a oedd yn gwarchod llun y Rokeby Venus yn yr amgueddfa yng nghanol Llundain ddydd Llun.
Yn ôl Heddlu'r Met, mae protestwyr wedi eu harestio ar amheuaeth o achosi difrod troseddol.
Cafodd y darlun gan yr artist Diego Velazquez eu baentio yng nghanrif 1600.
A chafodd ei ddifrodi gan y syffragét, Mary Richardson ym mis Mawrth 1914.
Yn ôl Just Stop Oil, y ddau a achosodd y difrod yw Hanan, 22, a Harrison, 20.
Mae'n nhw'n dweud iddyn nhw weithredu er mwyn galw ar Lywodraeth y DU i atal prosiectau olew a nwy newydd ar unwaith.
“Methiant yw gwleidyddiaeth. Fe fethodd yn achos menywod yn 1914 ac mae'n ein methu nawr," meddai llefarydd.
“Bydd olew a nwy newydd yn lladd miliynau. Os ydym yn caru celf, bywyd, ein teuluoedd - mae'n rhaid i ni atal olew."
Cafodd criw arall o brotestwyr Just Stop Oil eu harestio ger Downing Street fore Llun am rwystro cerbydau.
Yn ôl Heddlu'r Met, fe wnaethon nhw arestio o leiaf 40 o brotestwyr a oedd yn gorymdeithio yn Whitehall.
