Mae dau ddyn wedi’u harestio ar ôl i'r heddlu ddarganfod bod canabis ar raddfa fawr yn cael ei dyfu ar Ynys Môn.

Cafodd y ddau eu harestio wedi i Heddlu Gogledd Cymru weithredu warant chwilio mewn cyfeiriad yng Nghaergeiliog, ger Caergybi ddydd Iau.

Ar ôl cael mynediad i'r eiddo, daeth swyddogion o hyd i ffatri ganabis "soffistigedig" yn yr adeilad.

Arestiwyd dau ddyn 32 a 25 oed ar amheuaeth o droseddau cyffuriau.

Mae’r ddau ddyn yn parhau yn nalfa’r heddlu.