Mae'r Arglwydd John Morris wedi marw yn 91 oed. 

Roedd yr Arglwydd Morris yn gyn Aelod Seneddol Llafur Aberafan, gan gynrychioli'r etholaeth yn San Steffan o 1959 i 2001. 

Yn frodor o Sir Aberteifi, derbyniodd ei addysg ym Mhrifysgol Aberystwyth cyn mynd ymlaen i astudio yng Ngholeg Gonville a Caius yng Nghaergrawnt. 

Roedd hefyd yn Ysgrifennydd Gwladol Cymru o 1974 i 1979, yn ogystal â'n Dwrnai Cyffredinol ac yn Ysgrifennydd Amddiffyn. 

Bu'n amlwg yn yr ymgyrch dros ddatganoli.  

Yn ystod ei gyfnod fel AS, fe wasanaethodd o dan dri Phrif Weinidog Llafur, sef Harold Wilson, James Callaghan a Tony Blair. 

'Diolch'

Wrth roi teyrnged iddo, dywedodd y darlledwr Huw Edwards ei fod yn un o "Gymry mwyaf nodedig ei gyfnod" ac yn "un o dadau datganoli".

Dywedodd Y Gweinidog Iechyd Eluned Morgan, ei bod yn drist o glywed bod yr Arglwydd John Morris wedi marw.

"Cynrychiolodd etholaeth Aberafan am 41 mlynedd fel Aelod Seneddol gan wasanaethu fel Ysgrifennydd Gwladol Cymru a Thwrnai Cyffredinol," meddai.

"Fe oedd yr unig aelod yn weddill o gabinet Harold Wilson. Diolch am dy wasanaeth, gorffwys mewn hedd."