Mae babi pum mis oed yn yr ysbyty yn dilyn ymosodiad gan gi yn Sir Caerffili.

Cafodd swyddogion yr heddlu eu galw i gyfeiriad yn Y Cilgaint, Penyrheol am tua 09:10 fore dydd Sadwrn.

Dywed Heddlu Gwent nad yw'r babi mewn cyflwr sydd yn peryglu ei fywyd ac mae'r ci bellach yn ngofal swyddogion y llu.

Nid oedd unrhyw anifail arall yn rhan o'r digwyddiad ac nid yw manylion am y math o gi oedd yn gyfrifol am yr ymosodiad wedi eu datgelu.

Dywedodd y Prif Arolygydd Laura Bartley o Heddlu Gwent: "Bydd swyddogion yn parhau i wneud ymholiadau pellach ar yr adeg yma ac fe fyddant yn parhau yn y lleoliad wrth i'r ymchwiliad barhau.

"Mae'n bosib y byddwch yn gweld gweithgaredd barhaus gan yr heddlu yng Nghaerffili fel rhan o'r gwaith hwn, ond peidiwch a chael eich dychryn.

"Os oes ganddo chi bryderon neu wybodaeth yna cysylltwch gyda ni os gwelwch yn da."