Mae'r DU ac UDA wedi addo i barhau i gefnogi Wcráin yn y frwydr yn erbyn Rwsia "cyhyd ag y bo angen."

Yn dilyn trafodaethau yn Washington rhwng Ysgrifennydd Tramor y DU James Cleverly ddydd Mawrth, fe wnaeth Ysgrifennydd Gwladol yr Unol Daleithiau, Antony Blinken, groesawu penderfyniad y DU i anfon sgwadron o danciau i Wcráin.

Dywedodd hefyd y byddai'r Unol Daleithiau yn gwneud rhagor o gyhoeddiadau yn y dyddiau i ddod. 

"Rydym yn benderfynol o sicrhau fod gan Wcráin yr hyn sydd ei angen arni i lwyddo ar faes y gad," meddai.

Our partnership has never been stronger.

Together, we’re united against Russia’s unprovoked, unjustifiable, and horrific invasion of Ukraine. pic.twitter.com/L2KugkWMiL

— Secretary Antony Blinken (@SecBlinken) January 18, 2023

Er bod Prydain wedi addo i anfon 14 tanc Challenger 2 i ddwyrain Ewrop ar unwaith, mae'r Arlywydd Zelensky wedi galw am 300 o danciau milwrol gorllewinol er mwyn galluogi ei luoedd i lwyddo yn erbyn Rwsia. 

Dywedodd Mr Cleverly fod y DU a UDA wedi gweithio "yn agos" ynghyd â chynghreiriaid eraill ers dechrau'r gwrthdaro i sicrhau fod gan Wcráin y gefnogaeth briodol. 

Llun: Antony Blinken / Twitter