Mae cwpl o Brydain ymysg pedwar fu farw yn dilyn damwain rhwng dau hofrennydd yn Awstralia. 

Bu farw Diane a Ron Hughes, 57 a 65 o Lerpwl, ar ôl i ddau hofrennydd daro yn erbyn ei gilydd ger parc morol yn nhalaith Queensland ddydd Llun.

Bu farw'r peilot a dynes arall 36 oed.

Dywedodd llefarydd ar ran Swyddfa Dramor a'r Gymanwlad y DU eu bod yn "cefnogi teulu dau o Brydain fu farw yn Awstralia ac rydym ni mewn cysylltiad gyda'r awdurdodau lleol."

Cafodd tri arall eu hanafu yn ddifrifol.