Daeth cefnogwyr ynghyd cyn dwy gêm ddarbi ddydd Sul mewn protest yn erbyn Undeb Rygbi Cymru.

Roedd Caerdydd yn wynebu'r Gweilch ym Mharc yr Arfau tra roedd y Scarlets yn herio'r Dreigiau ym Mharc y Scarlets, gyda phrotestiadau yn cael eu cynnal cyn y ddwy gêm. 

Y bwriad oedd amlygu'r hyn sy'n cael ei weld fel "argyfwng o fewn y gêm", gyda honiadau nad yw'r Undeb yn cyfathrebu â'r cefnogwyr. 

Dywedodd Ysgrifennydd Clwb Cefnogwyr y Gweilch, Keith Collins, ei bod hi'n "bwysig i ni ddangos i Undeb Rygbi Cymru rhaid sorto mas y mess sy' gyda ni ar y foment.

"Ie mae'n bwysig fod y tîm cenedlaethol yn neud yn dda ac yn ennill pethau. Ie mae'n bwysig, ond y pwynt yw rhaid i chi cael y chwaraewyr er mwyn llenwi tîm cenedlaethol."

Llun: JSG Cymru / Twitter