Mae mainc wedi ei dadorchuddio yng Nghlwb Rygbi Felinfoel yn Llanelli ddydd Sadwrn er cof am y cyn-chwaraewr Phil Bennett.

Roedd Bennett yn un o feibion enwocaf y clwb ac yn un o enwau mwyaf adnabyddus timau rygbi Cymru a'r Llewod.

Roedd gêm goffa rhwng Felinfoel a Llangennech i fod i gael ei chwarae er cof am Phil, ond bu'n rhaid ei gohirio yn sgil y tywydd.

Ond fe aeth y dadorchuddio yn ei flaen er gwaetha'r tywydd ac roedd ei deulu yn falch iawn o gael symbol parhaol o'i gyfraniad i'r clwb.

Dywedodd ei wyres Ela Bennett: "Fel teulu rydyn ni mor falch i gael y fainc yma oherwydd mae'n neis i cael e yn y gwagle ble ro'dd e'n ishte a sefyll i gwylio pob gêm Felinfoel, a mae'n neis i dangos ysbrydoliaeth tad-cu ar y tîm ac ar y cymuned."

Roedd ei ŵyr Steffan Bennett: "Ni'n prowd iawn rili fel teulu bod Felinfoel wedi meddwl am dad-cu a wedi rhoi ymdrech mewn i creu rhywbeth i fe a bydd e 'ma am blynyddoedd i ddod."