Mae rhai o ysgolion Cymru wedi cau ddydd Gwener oherwydd yr amodau rhewllyd. 

Mae tywydd gaeafol wedi taro Cymru dros y dyddiau diwethaf, gyda'r tymheredd yn gyson wedi gostwng yn is na'r rhewbwynt. 

Ysgol wedi cau oherwydd rhew a iechyd a diogelwch ar y lonydd. Black ice and trecherous conditions around the school. School closed all day. @CyngorGwynedd

— Ysgol Pendalar (@YPendalar) December 16, 2022

Mae nifer o ysgolion wedi cadarnhau, y rhan fwyaf yng Ngwynedd, eu bod ar gau am y diwrnod wrth i rew greu amodau peryglus i staff a disgyblion.

Mae'r ysgolion canlynol wedi'u cau: 

GWYNEDD

• Ysgol Maesincla
• Ysgol Yr Hendre
• Ysgol Syr Hugh Owen
• Ysgol Waunfawr
• Ysgol Santes Helen
• Ysgol Y Gelli
• Ysgol Pendalar
• Ysgol Gwaun Gynfi
• Ysgol Pont y Gôf
• Ysgol Llanystumdwy
• Ysgol Bodfeurig
• Ysgol Dyffryn Ogwen 
• Ysgol Bontnewydd
• Ysgol Penisarwaen
• Ysgol Llanrug
• Ysgol Penybryn
• Ysgol Abercaseg
• Ysgol Y Felinheli
• Ysgol Brynrefail
• Ysgol Eifionydd
• Ysgol Beddgelert
• Ysgol Dolbadarn 

 

YNYS MÔN

• Ysgol Santes Dwynwen
• Ysgol Gymraeg Morswyn
• Ysgol Parc y Bont

 

CEREDIGION

• Ysgol Henry Richard

 

Penwythnos oer

Fe fydd yr amodau oer yn parhau trwy'r penwythnos, wrth i'r Swyddfa Dywydd gyhoeddi rhybudd melyn am rew ac eira i nifer o siroedd Cymru. 

Bydd y rhybudd yn dod i rym am 03:00 fore Sul ac fe fydd yn parhau tan 21:00.

Bydd 13 o siroedd Cymru yn cael eu heffeithio gan y rhybudd:

• Blaenau Gwent
• Caerffili
• Ceredigion
• Conwy
• Gwynedd
• Merthyr Tudful
• Powys
• Rhondda Cynon Taf
• Sir Ddinbych
• Sir Fynwy
• Sir Gaerfyrddin
• Sir y Fflint
• Wrecsam 

Mae'r swyddfa'n rhybuddio y gallai'r rhew ac eira arwain at amodau heriol, gyda pherygl o anafiadau wrth i bobl lithro neu gwympo.

Mae trafferthion i deithwyr hefyd yn bosibl, a gallai eira ddisgyn ar dir uchel yn ystod y dydd.  

Bydd posibilrwydd y gall rhai ardaloedd gwledig colli pŵer hefyd.

Yn ôl y Swyddfa Dywydd, mae ansicrwydd pa mor hir y bydd y cyfnod oer yn parhau.

Ond mae disgwyl tywydd rhewllyd tan yr wythnos nesaf, gyda'r tymheredd dipyn yn is na'r cyfartaledd ar gyfer dechrau Rhagfyr.