Mae Jac Morgan wedi ei adael allan o dîm y Llewod ar gyfer eu gêm brawf gyntaf yn erbyn Awstralia ddydd Sadwrn.

Dywedodd y prif hyfforddwr Andy Farrell ei fod yn "ofnadwy o agos" at gael ei gynnwys wrth gyhoeddi'r tîm fore ddydd Iau.

Mae Tom Curry wedi ennill y frwydr am y crys rhif saith, gan olygu nad oes lle ar gyfer Morgan na chwaith Josh van der Flier. Mae Ben Earl ar y fainc.

Dyma'r tro cyntaf i'r Llewod enwi tîm yn erbyn Awstralia, Seland Newydd neu Dde Affrica heb Gymro ynddo ers 1896.

Mae gan Iwerddon wyth chwaraewr yn cychwyn a thri arall ar y fainc. Mae gan Loegr bedwar chwaraewr yn cychwyn, gyda phump arall ymhlith yr eilyddion.

Wrth drafod ei benderfyniad dywedodd y prif hyfforddwr Andy Farrell: “Dyna’r rhan o’r garfan sydd wedi bod yn destun cystadlu brwd a thrafodaethau brwd ers cryn amser.

"Roedd hynny'n briodol o ystyried yr ansawdd sydd gennym ni yno.

"Rydyn ni’n teimlo mai dyma’r cydbwysedd cywir ar gyfer y gêm brawf cyntaf.

"Mae gan Tadhg [Beirne] ansawdd yn y symudiadau sydd wedi eu cynllunio o flaen llaw ond hefyd yn ei gêm gyffredinol, wrth ddwyn y bêl.

"Mae’n ategu Jack [Conan], a Tom [Curry] yw’r injan sydd ei hangen arnoch chi mewn gemau prawf.

"Roedd Jac [Morgan] mor agos ag y gallech chi ddychmygu at gael ei hun i’r tîm.

"Rydych chi mewn gwirionedd yn teimlo’n drist iawn am chwaraewyr fel ‘na, a Josh [van der Flier] a Henry [Pollock] hefyd.

"Mae hynny’n dangos ein bod ni mewn lle da fel grŵp.”

Tîm y Llewod i wynebu Awstralia yn y gêm brawf gyntaf

15. Hugo Keenan (Leinster/Iwerddon) #881 
14. Tommy Freeman (Northampton Saints/Lloegr) #858 
13. Huw Jones (Glasgow Warriors/Yr Alban) #878 
12. Sione Tuipulotu (Glasgow Warriors/Yr Alban) #863 
11. James Lowe (Leinster/Iwerddon) #870 
10. Finn Russell (Bath/Yr Alban) #835 
9. Jamison Gibson-Park (Leinster/Iwerddon) #879 

1. Ellis Genge (Bristol Bears/Lloegr) #859 
2. Dan Sheehan (Leinster/Iwerddon) #873 
3. Tadhg Furlong (Leinster/Iwerddon) #818 
4. Maro Itoje (Saracens/Lloegr) (captain) #825 
5. Joe McCarthy (Leinster/Iwerddon) #871 
6. Tadhg Beirne (Munster/Iwerddon) #838 
7. Tom Curry (Sale Sharks/Lloegr) #853 
8. Jack Conan (Leinster/Iwerddon) #839 

Eilyddion:

16. Ronan Kelleher (Leinster/Iwerddon) #864 
17. Andrew Porter (Leinster/Iwerddon) #876 
18. Will Stuart (Bath/Lloegr) #877 
19. Ollie Chessum (Leicester Tigers/Lloegr) #875 
20. Ben Earl (Saracens/Lloegr) #857 
21. Alex Mitchell (Northampton Saints/Lloegr) #860 
22. Marcus Smith (Harlequins/ Lloegr) #855 
23. Bundee Aki (Connacht/Iwerddon) #837