Newyddion S4C

Elfyn Evans

Siom i Elfyn Evans yn Rali Siapan

NS4C 13/11/2022

Mae’r Cymro Elfyn Evans wedi dod yn bumed ar ddiwedd Rali Siapan.

Roedd Evans yn yr ail safle ar ôl trydydd diwrnod y rali ddydd Sadwrn.

Fe gollodd Evans amser ar ôl cael twll mewn teiar ar yr ail gymal ddydd Sul gan orffen dros bedair munud ar ôl y buddugwr Thierry Neuville o Wlad Belg.

Mae hyn yn golygu fod Evans yn gorffen yn y pedwerydd safle yn y bencampwriaeth eleni ar 124 o bwyntiau gyda Kalle Rovanperä o’r Ffindir yn bencampwr ar 255 o bwyntiau.

Llun: Twitter/Elfyn Evans

This website uses cookies to ensure you get the best experience on our website.