Newyddion S4C

Protest Just Stop Oil

Heddwas wedi'i anafu wrth ymateb i brotest Just Stop Oil

NS4C 09/11/2022

Mae heddwas wedi'i anafu wrth ymateb i brotest gan ymgyrchwyr Just Stop Oil ar yr M25 ddydd Mercher. 

Cafodd yr heddwas ei anafu yn dilyn gwrthdrawiad rhwng dwy lori rhwng cyffordd 26 a 27.

Fe ddigwyddodd hyn wedi i rwystr gael ei osod ar un rhan o'r ffordd yn dilyn adroddiadau bod pobl yn protestio yno. 

Mae Just Stop Oil yn ymgyrch sydd yn ceisio dwyn pwysau ar Lywodraeth y DU i atal trwyddedu a chynhyrchu tanwydd ffosil newydd.

Fe wnaeth rhai protestwyr ddrigo uwchben yr M25 ddydd Mercher, gan achosi rhagor o oedi i deithwyr wrth i'r ffordd gael ei chau mewn sawl man. 

Dywedodd Heddlu Essex fod dau o bobl wedi'u harestio yn dilyn y protestio diweddaraf. 

Llun: Heddlu Essex 

This website uses cookies to ensure you get the best experience on our website.