Mae dyn a menyw oedrannus wedi marw yn dilyn gwrthdrawiad yn Sir Benfro.

Mae Heddlu Dyfed-Powys yn apelio am dystion a fedrai fod â gwybodaeth i'r gwrthdrawiad angheuol ar ffordd yr A4115 rhwng Tredeml a Cross Hands, Sir Benfro.

Digwyddodd y gwrthdrawiad ychydig cyn 17:30 nos Fawrth.

Roedd tri cherbyd yn rhan o'r gwrthdrawiad - Hyundai i10 arian, Peugeot 3008 gwyn a Mini arian.

Roedd y dyn a'r fenyw yn teithio yn yr un car ac mae eu teulu agos wedi cael gwybod.

Fe gafodd oedolyn a dau blentyn eu cludo i'r ysbyty gydag anafiadau difrifol.

Cafodd y ffordd ei chau am gyfnod nos Fawrth er mwyn cynnal ymchwiliad cyn iddi gael ei hail-agor am 1:45.

Mae'r llu yn gofyn i unrhyw un sydd â gwybodaeth i gysylltu â nhw gan ddefnyddio'r cyfeirnod DP-20221025-299.