Newyddion S4C

Leicester Square / Wikimedia Commons

Cyhuddo dyn o geisio llofruddio dau heddwas yn Llundain

NS4C 18/09/2022

Mae dyn 24 oed wedi ei gyhuddo mewn cyswllt â thrywanu dau heddwas yn Llundain fore Gwener.

Mae Mohammed Rahman wedi ei gyhuddo o geisio llofruddio a’r bwriad o achosi niwed difrifol.

Mae un o’r heddweision wedi derbyn anafiadau “gall beryglu bywyd” yn yr ymosodiad yn ardal Sgwâr Leicester am 06:00 fore Gwener.

Mae disgwyl i’r heddwas arall wella’n llwyr o’r anafiadau.

Fe fydd Rahman yn ymddangos gerbron Llys Ynadon Wimbledon ddydd Llun.

 

This website uses cookies to ensure you get the best experience on our website.