Liz Truss fydd Prif Weinidog nesaf y DU
05/09/2022
Liz Truss fydd Prif Weinidog nesaf y Deyrnas Unedig, wedi i ganlyniad etholiad arweinyddiaeth y blaid Geidwadol gael ei gyhoeddi ddydd Llun.
Bydd hi'n ymgymryd â'r rôl yn swyddogol ddydd Mawrth.
Yn dilyn misoedd o ymgyrchu, daeth cadarnhad ddydd Llun bod Ms Truss wedi derbyn 81,326 o bleidleisiau, tra gwnaeth ei gwrthwynebydd, y cyn-Ganghellor Rishi Sunak, dderbyn 60,399.
Fe gafodd canlyniad y bleidlais, oedd ar agor i aelodau'r blaid Geidwadol yn unig, ei gyhoeddi toc wedi 12:30.
Daeth Liz Truss a Rishi Sunak i'r brig allan o wyth o ymgeiswyr yn dilyn sawl rownd o bleidleisio ymysg aelodaeth y Ceidwadwyr yn San Steffan.
Gyda'r argyfwng costau byw yn parhau a disgwyl i chwyddiant gynyddu eto, bydd gan y prif weinidog newydd benderfyniadau anodd ei gwneud o'r diwrnod cyntaf.
Daw hyn yn dilyn sibrydion ddydd Llun bod Ms Truss yn ystyried rhewi prisiau ynni yn ogystal â chyhoeddi cynllun i ddelio â'r argyfwng ynni o fewn wythnos i gael ei hethol.
Hoffwn longyfarch @trussliz.
— Mark Drakeford (@PrifWeinidog) September 5, 2022
Rydym nawr angen gweithio gyda’n gilydd ar frys i daclo’r argyfwng costau byw ac i arbed miliynau rhag y gaeaf caled sydd o'n blaenau.
Nid oes amser i’w wastraffu - mae angen gweithredu nawr.
Mae Prif Weinidog Cymru, Mark Drakeford, wedi llongyfarch Ms Truss yn dilyn y cyhoeddiad, gan ddatgan bod angen "gweithio gyda'n gilydd ar frys i daclo'r argyfwng costau byw ac i arbed miliynau rhag y gaeaf caled sydd o'n blaenau."
Congratulations @trussliz
— Andrew RT Davies (@AndrewRTDavies) September 5, 2022
There are huge challenges ahead, but I know we can beat them by uniting and taking decisive action
Looking forward to working together to:
💙 Help people and businesses with the cost of energy
🇬🇧 Protect our Union
✅ Level up every corner of the UK pic.twitter.com/bf90vr0AR2
Dywedodd Arweinydd y Ceidwadwyr Cymreig, Andrew RT Davies, bod "heriau mawr o'n blaenau, ond dwi'n gwybod y byddwn ni'n gallu eu goresgyn a symud ymlaen."
Liz Truss’s refusal to commit to concrete action on energy bills for weeks has made permanent damage to the UK government’s credibility ahead of a catastrophic crisis
— Liz Saville Roberts AS/MP 🏴 (@LSRPlaid) September 5, 2022
Her cruel fantasy economics will secure her fate as the UK’s last Prime Minister
Dywedodd Aelod Seneddol Plaid Cymru dros Ddwyfor Meirionnydd, Liz Saville Roberts, bod "amharodrwydd y Prif Weinidog newydd i ymrwymo i weithredu ar yr argyfwng costau byw wedi gwneud niwed parhaol i hygrededd llywodraeth y DU wrth iddi wynebu argyfwng trychinebus."
I'd like to congratulate our next Prime Minister Liz Truss as she prepares for office.
— Keir Starmer (@Keir_Starmer) September 5, 2022
But after 12 years of the Tories all we have to show for it is low wages, high prices, and a Tory cost of living crisis.
Only Labour can deliver the fresh start our country needs.
Fe wnaeth Arweinydd y Blaid Lafur, Keir Starmer, longyfarch y prif weinidog newydd, ond dywedodd "ar ôl 12 mlynedd o'r Ceidwadwyr, y cwbl sydd yna i ddangos ydi cyflogau isel, costau uchel ac argyfwng costau byw ."
Ychwanegodd Arweinydd y Democratiaid Rhyddfrydol yng Nghymru, Jane Dodds AS, "ein bod ni am fynd am weld rhagor o'r llanast a ddigwyddodd o dan arweinyddiaeth Boris Johnson.
"O beidio delio â'r argyfwng costau byw i adael i fusnesau bach a chanolig wynebu'r gaeaf ar ben ei hun i fethu delio â'r argyfwng hinsawdd, mae’r Ceidwadwyr wedi dangos nad oes ots ganddyn nhw, nad oes cynllun ganddyn nhw, ac eu bod nhw wedi methu ein gwlad.”
Mwy i ddilyn.
