Newyddion S4C

Menywod Cymru

Menywod Cymru gam yn nes at gemau ail-gyfle Cwpan y Byd ar ôl curo Groeg

NS4C 02/09/2022

Mae menywod Cymru gam yn nes at gyrraedd gemau ail-gyfle Cwpan y Byd yn dilyn buddugoliaeth o 0-1 yn erbyn Groeg nos Wener. 

Er nad oedd y perfformiad yn un ysbrydoledig, mae'r canlyniad yn golygu y bydd gêm gyfartal yn erbyn Slofenia yn ddigon i sicrhau lle Cymru yn y gemau ail-gyfle. 

Carrie Jones sgoriodd unig gôl y gêm yn yr hanner cyntaf, gan rwydo am y tro gyntaf dros ei gwlad. 

Er i Gymru reoli'r gêm am gyfnodau hir, fe wnaeth amddiffyn Groeg yn aros yn gadarn. 

Ond er gwaethaf y gêm ddiflas, y canlyniad bar y diwedd fydd yn bwysig i garfan Gemma Grainger wrth iddynt anelu i gyrraedd Cwpan y Byd am y tro cyntaf erioed. 

Fe fydd y crysau cochion nawr yn wynebu Slofenia o flaen y dorf fwyaf erioed i wylio menywod Cymru yng Nghaerdydd nos Fawrth. 

Llun: Asiantaeth Huw Evans 

This website uses cookies to ensure you get the best experience on our website.