Mae dyn 21 oed wedi ei gyhuddo o lofruddio Rico Burton, cefnder y bocsiwr proffesiynol Tyson Fury, yn Altrincham ddydd Sul.

Mae Liam O'Prey hefyd wedi ei gyhuddo o ymosod ar fachgen 17 oed a gafodd anafiadau sydd wedi "newid ei fywyd".

Cafodd y ddau eu trywanu tu allan i far yn ystod oriau man bore Sul. 

Bu farw Rico Burton, oedd yn 31 oed, yn yr ysbyty yn ddiweddarach. 

Wedi'r digwyddiad fe ddywedodd Tyson Fury ar y cyfryngau cymdeithasol bod marwolaeth ei gefnder yn "ddisynnwyr" a bod angen dedfrydau llymach ar gyfer troseddau cyllyll.

Darllenwch fwy yma. 

Llun: Heddlu Manceinion