Newyddion S4C

Geraint Thomas

Geraint Thomas yn ail yn y Swisdir gydag un cymal i fynd

NS4C 18/06/2022

Mae’r Cymro Geraint Thomas yn dal yn yr ail safle yn ras seiclo Tour de Suisse gydag un cymal i fynd.

Daeth Thomas yn bumed, dros ei dîm Ineos Grenadiers, ar gymal saith y ras ddydd Sadwrn.

Mae e ddwy eiliad yn unig tu ôl i arweinydd y ras Sergio Higuita o Golombia gyda chymal olaf ddydd Sul yn ras unigol yn erbyn y cloc.

Mae’r ras wedi cael ei tharfu gan Covid gyda nifer o gystadleuwyr yn gorfod tynnu allan ynghyd â thri thîm yn gyfan gwbl.

Roedd y Cymro Stevie Williams wedi gwisgo'r crys melyn yn gynharach yn y ras cyn cwympo nôl.

Dywedodd Thomas: “Gyda’r gwres a’r uchder roedd rhaid bod yn ofalus.  Rwy wedi reidio’n dda heddi yn erbyn y gwynt. Mae’n dda i fod nôl yn ei chanol hi ar ôl gaeaf anodd.”
 

Llun: YouTube/Pro Cycling News

This website uses cookies to ensure you get the best experience on our website.