Newyddion S4C

Falklands Llun y Lleng Brydeinig

Cynnal gwasanaeth i nodi 40 mlynedd ers Rhyfel y Falklands

NS4C 16/06/2022

Bydd gwasanaeth arbennig yn cael ei chynnal yng Nghaerdydd er mwyn nodi 40 mlynedd ers diwedd Rhyfel y Falklands. 

Bydd Eglwys Gadeiriol Llandaf yn cynnal Seremoni Goffaol Genedlaethol Cymru nos Iau er mwyn cofio am y rhai a gafodd eu lladd yn ystod y gwrthdaro. 

Dechreuodd y rhyfel ym mis Ebrill 1982 pan heidiodd milwyr yr Ariannin i ynysoedd y Falklands, a oedd yn rhan o diriogaeth y Deyrnas Unedig. 

Bu farw 225 o filwyr o Brydain a 649 o filwyr o'r Ariannin yn ystod y rhyfel a barhaodd am 74 diwrnod.

Mae'n un o'r rhyfeloedd mwyaf ers yr Ail Ryfel Byd.

This website uses cookies to ensure you get the best experience on our website.