Mae Banc Lloegr wedi codi cyfraddau llog i 1% er mwyn ceisio dod i'r afael â lefelau chwyddiant. 

Dyma fydd y trydydd tro eleni i gyfraddau llog gael eu codi, gyda chyfraddau yn cynyddu o 0.75% i 1% - y lefel uchaf ers 2009.

Daw'r newid wrth i'r banc geisio rheoli lefelau chwyddiant sydd wedi cyfrannu'n sylweddol at yr argyfwng costau byw presennol. 

Mae chwyddiant wedi cyrraedd 7% eleni - ei lefel uchad ers 1992 - gydag arbenigwyr yn rhagweld y gall gynyddu i 10%. 

Rhybuddiodd y banc y gallai cyfraddau gynyddu eto yn y misoedd i ddod, yn dibynnu ar yr hyn oedd am ddigwydd i'r economi.

Yn ôl economegwyr, mae cyfraddau llog yn rheoli'r cynnydd mewn prisiau byw trwy wneud benthyg arian yn fwy drud gan olygu bod pobl yn gwario llai o arian yn y pen draw. 

We’ve put up interest rates to help inflation return to our 2% target. We may need to increase interest rates further in the coming months. But that all depends on what happens in the economy. https://t.co/h3ewfvAPYp #MonetaryPolicyReport pic.twitter.com/rErX3wn0bC

— Bank of England (@bankofengland) May 5, 2022

Darllenwch ragor yma.