Mae dyn wedi ymddangos yn y llys ddydd Gwener wedi'i gyhuddo o lofruddio merch dwy oed o Hwlffordd.

Fe wnaeth Kyle Bevan, 30 oed, ymddangos o flaen Llys Ynadon Llanelli fore Gwener ac mae wedi'i gadw yn y ddalfa.

Bu farw Lola James yn yr ysbyty ar 21 Gorffennaf, 2020, pedwar diwrnod ar ôl derbyn anaf difrifol i'w phen yn ei chartref yn nhref Hwlffordd.

Mae Sinead James, 29, wedi ei chyhuddo o achosi neu alluogi marwolaeth plentyn.

Mae disgwyl i'r ddau ymddangos yn Llys y Goron Abertawe fis nesaf.

Darllenwch fwy yma.

Llun: Heddlu Dyfed-Powys