Noavk Djokovic

Novak Djokovic i gael ei alltudio o Awstralia yn dilyn ffrae visa

Sky News 05/01/2022

Bydd y chwaraewr tenis Novak Djokovic yn gorfod gadael Awstralia yn dilyn ffrae dros gyfyngiadau Covid-19.

Roedd Djokovic wedi datgelu ei fod wedi derbyn eithriad meddygol i reolau brechu llym y wlad er mwyn gallu cystadlu ym mhencampwriaeth yr Australian Open. 

Ond fe gafodd rhif un y byd ei gadw ar ei ben eu hun ym maes awyr Melbourne ar ôl cyrraedd y wlad yn gynharach ddydd Mercher, ac ar ôl i’r awdurdodau sylweddoli fod camgymeriad ar ei gais visa, fe gafodd y mater ei gyfeirio at lywodraeth y wlad. 

Yn ôl Sky News, mae’r llywodraeth wedi gwrthod iddo gael visa, ac fe fydd yn rhaid i Djokovic nawr adael y wlad.

Mae'r chwaraewr o Serbia wedi gwrthod cadarnhau os ydyw wedi cael ei frechu yn erbyn Covid-19 ac fe welwyd ymateb chwyrn yn Awstralia pan gafodd eithriad i'r rheolau. 

Mae disgwyl i gyfreithwyr Djokovic herio'r penderfyniad. 

Darllenwch y stori'n llawn yma.