Roedd dinasoedd Cymru a’r Alban yn dawel a difywyd dros ŵyl y banc yn sgil cyfyngiadau Covid-19 newydd ar y diwydiant lletygarwch.

Caewyd clybiau nos yn yr Alban, Cymru a Gogledd Iwerddon ddydd Llun, tra bod y rheol chwe pherson a phellhau cymdeithasol wedi cael eu ail gyflwyno mewn tafarndai a bwytai.

Cafodd ei gadarnhau nos Lun a fydd rhagor o gyfyngiadau Covid-19 yn cael eu cyflwyno yn Lloegr cyn y flwyddyn newydd, serch hynny.

Leeds (Boxing day), Edinburgh, Cardiff. pic.twitter.com/Lqj4hsXRnV

— Peter (@deGourlay) December 27, 2021

Mae’r Daily Mail yn adrodd fod hi’n olygfa dra gwahanol ar strydoedd dinasoedd Lloegr, lle fentrodd pobl i glybiau nos a thafarndai i ddathlu’r ŵyl y banc.

Cafodd y cyfyngiadau newydd eu cyflwyno yng Nghymru yn sgil lledaeniad cyflym o’r amrywiolyn Omciron.

Diweddarwyd dangosfwrdd gwyliadwriaeth cyflym COVID-19:

Cyfrifiadur - https://t.co/2muolAqkqr
Mobile - https://t.co/A65oxySxhi pic.twitter.com/KoRbDSQiTv

— Iechyd Cyhoeddus Cymru (@IechydCyhoeddus) December 26, 2021

Yn ôl ffigyrau diweddaraf Iechyd Cyhoeddus Cymru, mae’r gyfradd achosion fesul 100,000 o bobl dros saith diwrnod yn 724.9.

Ddydd Gwener, ar ddiwrnod noswyl Nadolig, cafodd y nifer mwyaf o achosion mewn 24 awr eu cofnodi yng Nghymru erioed, gyda 6,755.

Image

Mae 1,689 o achosion o’r amrywiolyn newydd wedi eu cadarnhau yng Nghymru hyd yma.

Mae’r prif weinidog Mark Drakeford wedi annog pobl i gymryd prawf llif unffordd cyn mynd allan o’r tŷ.

Mae'r llywodraeth ac asiantaethau iechyd hefyd yn pwysleisio ar bobl i gael eu brechiad atgyfnerthu, gyda tharged i gynnig brechiad i bawb dros 18 oed erbyn diwedd mis Rhagfyr.