Mae’r Cymro, Jonny Clayton, wedi ennill Cyfres Dartiau’r Byd 2021 yn Amsterdam.

Dyma’r pedwerydd tlws iddo ennill eleni.

Daeth y Cymro o Bontyberem, Sir Gaerfyrddin yn fuddugol ar ôl curo Dimitri Van Den Bergh o 11-6 nos Sul.

Mae Clayton eisoes wedi ennill Grand Prix y Byd yn gynharach ym mis Hydref, yn ogystal â'r Uwch Gynghrair a’r Meistri eleni.

Words are lost on me, this year is getting better and better. So happy again… thank you @Jackscasino @OfficialPDC @ITV4 for another great event. And to the fans who were amazing 👏🏴󠁧󠁢󠁷󠁬󠁳󠁿🏴󠁧󠁢󠁷󠁬󠁳󠁿🏆😎 2021 the year of the ferret 😂😂🏴󠁧󠁢󠁷󠁬󠁳󠁿 pic.twitter.com/DtX4iTazv0

— Jonny Clayton (@JonnyClay9) October 31, 2021

Mewn neges ar y cyfryngau cymdeithasol, dywedodd Jonny Clayton, sydd hefyd yn cael ei adnabod fel ‘The Ferret’, “nad oedd geiriau ganddo.”

Dywedodd: “Mae eleni’n mynd yn well ac yn well, mor hapus unwaith eto.

“2021, blwyddyn y ffured.”

Llun: Jonny Clayton drwy Twitter