Cyhoeddodd cangen Llanerchaeron o'r Ymddiriedolaeth Genedlaethol fod y cam o gau y traeth wedi ei gymeryd "er mwyn lleihau aflonyddwch ac osgoi straen i'r fam a'r morlo bach".

 

Mae traeth Penbryn gerllaw yn parhau i fod ar agor, ac mae'r Ymddiriedolaeth wedi diolch i'r cyhoedd am eu dealltwriaeth wrth iddynt "ofalu am fyd natur a bywyd gwyllt ledled Ceredigion".

 

Mae traeth Mwnt, sydd rhyw 4.5 milltir i'r gogledd o Aberteifi, yn lecyn poblogaidd i ymwelwyr drwy gydol y flwyddyn.

 

Fe allai fod ar gau am nifer o wythnosau wrth i forloi fridio yno rhwng mis Awst a mis Rhagfyr.