Yn ôl Heddlu De Cymru mae swyddogion yn parhau i chwilio am Mohammed Ali Ege yn achos llofruddiaeth Aamir Siddiqi yn y brifddinas.

 

Mae elusen Taclo'r Taclau wedi apelio o'r newydd am wybodaeth fydda'i arwain at arestio Ege, gan gynnig £10,000 am wybodaeth fyddai'n arwain at hynny.

 

Bu farw Aamir Siddiqi yn 17 oed yn ei gartref ar Ffordd Ninian, y Rhath, ar 11 Ebrill 2010 ar ôl cael ei drywanu nifer o weithiau.

 

Er bod dau ddyn wedi eu cael yn euog o'i lofruddio, ac wedi derbyn dedfrydau gydol oes, mae'r heddlu wedi eu hymrwymo i ddod o hyd ag arestio Ege medd swyddogion.

 

Roedd Ege, sy'n 46 oed, wedi ffoi i India cyn cael ei arestio.

 

Cafodd ei arestio yn y wlad honno yn 2013 ond fe lwyddodd i ddianc o'r ddalfa.

 

Nid oes gwybodaeth bellach am ei union leoliad ond dywed yr heddlu y byddai unrhyw wybodaeth am ei leoliad yn cael ei anfon iddynt yn syth.