Mae Heddlu Dyfed-Powys yn apelio am wybodaeth wedi i berson farw mewn gwrthdrawiad yng Ngheredigion ddydd Mawrth. 

Fe ddigwyddodd y gwrthdrawiad ar ffordd yr A482 rhwng Llanbedr Pont Steffan a Chiliau Aeron am tua 21:30 nos Fawrth.

Roedd dau gar yn rhan o'r gwrthdrawiad, sef Renault Clio du a Peugeot 208 du. 

Bu farw gyrrwr y Clio yn y fan a'r lle yn ôl yr heddlu. 

Mae teulu'r unigolyn wedi cael gwybod ac yn cael eu cefnogi gan swyddogion arbenigol. 

Fe gafodd y ffordd ei chau ar gyfer ymchwiliad cyn cael ei hail-agor am 05:30 ddydd Mercher. 

Mae'r llu yn annog unrhyw un sydd â gwybodaeth i gysylltu â nhw.