Mae dyn wedi cael ei ryddhau ar fechnïaeth yn dilyn marwolaeth dyn 85 oed yn Sir Benfro yr wythnos diwethaf. 

Cafodd Heddlu Dyfed-Powys wybod am farwolaeth “sydyn” dyn oedrannus mewn tŷ ar Ffordd Hawkstone, Doc Penfro am tua 13.30 brynhawn Gwener. 

Dywedodd y llu bod dyn yn ei 40au wedi cael ei arestio.  

Mewn diweddariad ddydd Mawrth, fe ddywedodd y llu bod yr ymchwiliad yn parhau a bod teulu'r dyn 85 oed yn cael eu cefnogi gan swyddogion arbenigol. 

Mae'r dyn a gafodd ei arestio wedi ei ryddhau ar fechnïaeth amodol tra bod ymholiadau'r heddlu yn parhau. 

Dywedodd y llu y bydd trigolion yn parhau i weld yr heddlu yn yr ardal wrth i'r ymchwiliad barhau.