Mae'r Swyddfa Dywydd wedi cyhoeddi rhybudd newydd melyn am law trwm i'r mwyafrif o Gymru ddydd Gwener a Sadwrn. 

Daw wedi rhybudd melyn am law sydd mewn gry rhwng 06.00 a 23.00 ddydd Mercher.

Fe fydd y rhybudd newydd mewn grym o 06:00 fore Gwener tan 06:00 fore Sadwrn. 

Dywedodd y Swyddfa Dywydd y gallai rhwng 30-50mm o law ddisgyn, gyda rhai mannau yn profi rhwng 60-80mm a dros 100mm mewn ardaloedd yn ne-ddwyrain Cymru. 

Mae perygl y gallai'r tywydd garw effeithio ar gyflenwadau pŵer ac arwain at lifogydd.

Gallai'r glaw trwm hefyd achosi oedi ar y ffyrdd ac ar drafnidiaeth gyhoeddus.

Fe fydd y rhybudd melyn am law mewn grym yn y siroedd isod:

• Blaenau Gwent

• Caerdydd

• Sir Ddinbych

• Merthyr Tudful

• Casnewydd 

• Abertawe

• Wrecsam

• Pen-y-bont ar Ogwr

• Sir Gaerfyrddin

• Sir y Fflint

• Sir Fynwy

• Powys

• Torfaen

• Caerffili 

• Conwy

• Gwynedd

• Castell-nedd Port Talbot

• Rhondda Cynon Taf

• Bro Morgannwg