Mae'r Swyddfa Dywydd wedi cyhoeddi rhybudd melyn am law trwm i rannau o'r de, ddydd Mercher.

Bydd y rhybudd mewn grym rhwng 06.00 dydd Mercher a 23.59 yr hwyr. 

Dywedodd y Swyddfa Dywydd y gallai rhwng 20-30 mililitr o law ddisgyn dros gyfnod o 12-15 awr.

Gall ardaloedd ar dir uwch, yn enwedig y rhai sy'n wynebu'r de, weld hyd at 40-50mm o law.

Mae perygl y gallai'r tywydd garw effeithio ar gyflenwadau pŵer ac arwain at lifogydd.

Gallai'r glaw trwm hefyd achosi oedi ar y ffyrdd ac ar drafnidiaeth gyhoeddus.

Wedi glaw trwm nos Fawrth, roedd rhybuddion coch am lifogydd mewwn dwy ardal yn Sir Gaerfyrddin, ar Afon Gwendraeth Fawr ym Mhont-iets a Phont-henri ac Afon Dulais ym mhentref Pwll, ger Llanelli.  

Fe wnaeth Pont-iets ddioddef llifogydd yr wythnos diwethaf, gyda phobl yn gorfod gadael eu cartrefi.     

Bydd y rhybudd yn effeithio ar y siroedd canlynol:

- Abertawe

- Bro Morgannwg

- Blaenau Gwent

- Caerdydd

- Caerffili

- Casnewydd

- Castell-nedd Port Talbot

- Merthyr Tudful

- Pen-y-bont ar Ogwr

- Powys

- Rhondda Cynon Taf

- Sir Gaerfyrddin

- Sir Fynwy

- Torfaen