Mae rhybudd melyn am law trwm mewn grym yn rhan helaeth o'r de a gorllewin Cymru ddydd Mawrth.

Mae'r rhybudd mewn grym rhwng 07:00 fore Mawrth a 23:59.

Mae’r Swyddfa Dywydd yn rhybuddio y gallai rhai mannau ddioddef llifogydd erbyn prynhawn dydd Mawrth. 

Mae perygl hefyd y gallai'r tywydd garw effeithio ar gyflenwadau pŵer. 

Fe allai'r glaw achosi oedi ar y ffyrdd ac ar drafnidiaeth gyhoeddus yn ogystal.

Fe fydd y rhan fwyaf o lefydd yn y de, y canolbarth a'r gorllewin yn gweld tua 30-50mm o law ddydd Mawrth, gyda rhai llefydd ar dir uwch yn profi hyd at 60-80mm o law. 

Mae’n bosib y bydd yn rhaid ymestyn y rhybudd ddydd Mercher os fydd y tywydd gwlyb yn parhau nos Fawrth. 

Fe fydd y rhybudd melyn am law mewn grym yn y siroedd isod:

• Abertawe

• Blaenau Gwent

• Bro Morgannwg

• Caerdydd

• Caerffili

• Casnewydd

• Castell-nedd Port Talbot

• Ceredigion

• Merthyr Tudful

• Pen-y-bont ar Ogwr

• Powys

• Rhondda Cynon Taf

• Sir Benfro

• Sir Fynwy

• Sir Gâr

• Torfaen