Yn ôl yr AA Driving School, a gyhoeddodd yr ystadegau, "mae'n hawdd tanamcangyfrif" lefel yr wybodaeth sydd ei angen i basio'r arholiad.   

Mae pob prawf yn costio £23,  sy'n golygu y byddai'r ymgeisydd a basiodd y prawf y llynedd wedi gwario cyfanswm o £1,725.

Yn ôl y casgliad o ystadegau, mae dysgwr gyrru arall wedi ymgeisio 128 times o weithiau heb lwyddiant ar gost o £2,944.

Mae'r prawf ysgrifenedig yn gyfuniad o gwestiynau am reolau'r ffordd a gyrru diogel, yn ogystal â fideos sy'n profi gallu'r ymgeisydd i asesu a rhagweld perygl. 

Mae'n rhaid i ddysgwyr basio'r prawf ysgrifenedig cyn archebu'r prawf ymarferol. 

Y nifer fwyaf uchaf o ymdrechion ar gyfer y prawf gyrru ymarferol cyn pasio y llynedd oedd 21 o weithiau, gan gostio rhwng £1,302 a £1,575 yn ddibynnol ar leoliad y prawf 

Mae dau o bobl wedi ymgeisio 37 o weithiau heb basio, gyda hynny'n costio hyd at £2,220 yr un.

Cafodd yr AA Driving School afael ar y ffigyrau ar ôl anfon cais Rhyddid Gwybodaeth at yr Asiantaeth Trwyddedu Gyrwyr a Cherbydau yn Abertawe.  

Mae ystadegau eraill gan y DVSA yn dangos i 44.9% basio'r prawf ysgrifenedig yn y flwyddyn ariannol 2024/25. 

Llwyddodd 48.7% i basio'r prawf gyrru ymarferol.