Mae'r heddlu wedi arestio tri ar ôl dilyn car oedd yn cael ei amau ​​o gael ei ddefnyddio i gyflawni trosedd yn Sir Ddinbych.

Fe wnaeth Heddlu'r Gogledd ddilyn car Vauxhall arian am drwy Ddinbych, Rhuthun a Phwll-glas ar ôl iddo fethu â stopio.

Erbyn cyrraedd Pwll-glas roedd y gyrrwr a'r ddau deithiwr wedi gadael y car a rhedeg i ffwrdd.

Yn dilyn ymgyrch fawr, a oedd yn cynnwys yr heddlu awyr, daeth swyddogion o hyd i'r tri yn cuddio mewn ysgubor.

Cafodd y tri eu harestio'n ddiweddarach ac maen nhw'n cael eu cadw yn y ddalfa.

"Hoffwn ddiolch i aelodau'r cyhoedd a gynorthwyodd ddoe," meddai'r heddlu.

"Ni fyddwn yn goddef gyrru peryglus ar ein ffyrdd a byddwn yn parhau i wneud ein ffyrdd yn ddiogel."