Bydd rhybuddion melyn am wynt ar gyfer Cymru gyfan yn dod i rym yn ddiweddarach wrth i Storm Amy daro'r wlad.

Fe fydd rhybudd mewn grym yn ardaloedd o ogledd a gorllewin Cymru rhwng 15:00 ddydd Gwener a 23:59 ddydd Sadwrn, meddai'r Swyddfa Dywydd.

Yna am hanner nos, nos Sadwrn, bydd ail rybudd am wynt yn dod i rym yn effeithio ar weddill y wlad, a hynny tan 19.00 ddydd Sul.

Fe allai'r gwyntoedd godi i hyd at 70mya mewn rhai mannau.

Dywedodd y Swyddfa Dywydd y gallai’r storm achosi difrod i adeiladau ac effeithio ar gyflenwadau pŵer.

Ychwanegodd y gallai hefyd effeithio ar drafnidiaeth ac, mewn rhai achosion, beryglu bywyd.

Rhwng 15.00 ddydd Gwener a 23.59 ddydd Sadwrn, bydd y rhybudd yn effeithio ar y siroedd canlynol:

• Ceredigion
• Conwy
• Gwynedd
• Powys
• Sir Benfro
• Sir Ddinbych
• Sir y Fflint
• Sir Gaerfyrddin
• Wrecsam
• Ynys Môn

Yna rhwng 00.00 a 19.00 ddydd Sadwrn, bydd ail rybudd yn dod i rym i'r siroedd canlynol:

• Abertawe
• Blaenau Gwent
• Bro Morgannwg
• Caerffili
• Caerdydd
• Casnewydd
• Castell-nedd Port Talbot
• Merthyr Tudful
• Pen-y-bont
• Powys
• Rhondda Cynon Taf
• Sir Benfro
• Sir Ddinbych
• Sir Fynwy
• Sir Gâr
• Torfaen
• Wrecsam