Yng Ngheredigion, mae dynes wnaeth farw ar ôl i dy fynd ar dân wedi ei henwi'n lleol fel Heather Edwards. 

Fe wnaeth yr heddlu arestio dyn ar ôl dod o hyd i gorff mewn tŷ yn dilyn tân yn ardal Bwlchllan ddydd Llun.

Mae dyn 58 oed wedi'i arestio ar amheuaeth o lofruddiaeth.

Fe gafodd Heddlu Dyfed-Powys eu galw i adroddiad am dân mewn tŷ yn y pentref sydd i’r gogledd o Lanbedr Pont Steffan.

“Roedd y difrod i'r eiddo yn helaeth ac yn anffodus, gallwn gadarnhau bod corff wedi'i ganfod yn y fan a'r lle,” meddai’r heddlu.

“Mae ein meddyliau gyda'u teulu a'u ffrindiau yn yr amser trist hwn.”