Mae’r Swyddfa Dywydd wedi cyhoeddi rhybudd melyn am stormydd i rai ardaloedd yn y de fore ddydd Sul. 

Bydd y rhybudd mewn grym rhwng 8.00 a 12.00 y prynhawn. 

Mae'r rhybudd melyn yn effeithio ar Gaerdydd, Sir Fynwy, Casnewydd a Thorfaen. 

Mae’r Swyddfa Dywydd yn rhybuddio y gallai’r llefydd yma gael eu heffeithio gan lifogydd yn sgil glaw trwm a stormydd mellt a tharanau. 

Dywedodd y gwasanaeth bod yna bosibilrwydd o oedi ar y ffyrdd a thrafnidiaeth gyhoeddus, gyda phosibilrwydd hefyd y gallai rhai cymunedau colli cyflenwad trydan am gyfnod. 

Fe allai rhai ardaloedd weld tua 30-40mm o law yn ystod y dydd, yn ogystal â mellt a chenllysg.