Caernarfon (1af) v Y Barri (7fed) | Dydd Sul – 12:30

Caernarfon sy’n parhau i osod y safon yn y Cymru Premier JD y tymor hwn, a’r Cofis yw’r unig dîm sydd heb golli’n y gynghrair eto.

Dyw’r Caneris m’ond wedi gollwng pwyntiau mewn dwy gêm hyd yma ar ôl ildio ciciau o’r smotyn dadleuol oddi cartref yn erbyn Met Caerdydd a Hwlffordd (Met 2-2 Cfon, Hwl 1-1 Cfon).

Er i’r Barri sicrhau pwynt gwerthfawr gartref yn erbyn Y Seintiau Newydd ddydd Sadwrn diwethaf, mae’r Dreigiau wedi llithro i’r hanner isaf ar ôl ennill dim ond un o’u pum gêm agoriadol.

A tydi record ddiweddar y Dreigiau ddim yn wych yn erbyn Caernarfon gan i’r Barri golli pedair o’u chwe gêm ddiwethaf yn erbyn y Cofis (ennill 1, cyfartal 1).

Record cynghrair diweddar: 

Caernarfon: ͏➖✅✅✅➖

Y Barri: ✅➖❌➖➖

Bydd uchafbwyntiau’r gemau ar gael ar wefannau cymdeithasol Sgorio a’r gorau o gyffro’r penwythnos ar S4C nos Lun.