Beiciwr modur wedi ei hanafu'n ddifrifol yn dilyn gwrthdrawiad yn Sir Ddinbych
03/06/2025
Mae beiciwr modur wedi ei hanafu'n ddifrifol yn dilyn gwrthdrawiad ym Maerdy yn Sir Ddinbych.
Cafodd yr heddlu eu galw i'r digwyddiad ar yr A5 rhwng Corwen a Ty-nant tua 11.47 ddydd Mawrth.
Roedd y gwrthdrawiad yn cynnwys un cerbyd yn unig, sef beic modur Honda llwyd.
Dywedodd yr heddlu bod y beiciwr modur yn teithio gyda dau feiciwr modur arall i gyfeiriad y de.
Cafodd y beiciwr modur - dynes 69 oed - ei chludo mewn hofrennydd i'r ysbyty lle mae hi'n parhau i gael triniaeth.
Cafodd y ffordd ei chau am gyfnod byr cyn ei hailagor.
Mae PC Einion Huws o'r Uned Troseddau Ffyrdd yn apelio am dystion.
"Rydym yn annog unrhyw un a allai fod wedi gweld y gwrthdrawiad, neu unrhyw un a allai fod wedi bod yn teithio ger y lleoliad ac a allai fod â lluniau camera dangosfwrdd i gysylltu â ni," meddai.
Dylai unrhyw un sydd â gwybodaeth gysylltu â'r heddlu gan ddyfynnu'r cyfeirnod C081554.
