Fideo cyntaf platfform YouTube, 20 mlynedd yn ôl.

A'r 20 mlynedd ers hynny wedi gweld ei boblogrwydd yn tyfu a thyfu.

Dechrau yn 2005 fel platfform arbrofol i rannu fideos byrion oedd bwriad YouTube, ond bellach wedi troi'n ffenomen fyd-eang.

Eleni, mae'n dathlu 20 mlynedd o gynnwys.

Mae pobl ifanc heddiw yn troi at fideos fel hyn ar gyfer eu hadloniant.

"Mae lot o sdwff ti'n gallu gwylio, tutorials, gaming a bron unrhyw beth.

"Ti'n gallu searchio lan be ti'n moyn a dim pigo channel."

Yn ôl adroddiadau Ofcom yn 2023 YouTube yw'r platfform ar-lein mwyaf poblogaidd o hyd ymhlith plant a phobl ifanc 3 i 17 oed yn y DU gydag 88% yn ei ddefnyddio'n rheolaidd.

A YouTube yn cynnig cyfle i greu bywoliaeth erbyn hyn.

A gŵr ifanc o Aberdâr yn brawf o hynny.

"Dechreuais yn 2021 pan wnes i uploadio pob dydd.

"Dyddiau yma, mae YouTube mor enfawr. Mae'n ddyfodol i bobl sy'n moyn gweithio ar YouTube am yr hirdymor."

Nôl ar fuarth yr ysgol, mae pryder hefyd ynghylch diogelu pobl ifanc rhag gweld cynnwys anaddas a niweidiol.

"Mae testunau allan yna. Yn aml, ni'n clywed am bobl yn mynd lawr trywydd cael mynediad i fideos sydd ddim yn addas i bobl ifanc a phlant."

"Mae pobl yn rhoi pethau inappropriate ar YouTube.Mae pobl yn postio amdano, felly bydd pobl ifanc yn gweld e."

Yn ôl un arbenigwr yn y maes digidol, addysgu am yr hyn sy'n medru cael ei wneud i ddiogelu pobl ifanc yw'r neges.

"Mae 'na bethau fel supervised access sy'n rhoi'r pwer i rieni i gau off pethau penodol ar y platfform.

"Mae diogelwch ar y platfform, ond mae modd gwneud mwy."

20 mlynedd o gynnwys a 5.1 biliwn fideo yn ddiweddarach mae YouTube wedi sefydlu ei hun ym mywyd yr 21ain ganrif.

Gyda nifer y defnyddwyr yn codi flwyddyn ar ol blwyddyn pwy a wyr be fydd hanes YouTube yn 2045.