Mae Sefydliad Iechyd y Byd yn galw am dros £6 miliwn yn syth er mwyn helpu yn yr ymdrechion dyngarol yn Myanmar wedi'r daeargryn yno. 

Fe wnaeth y daeargryn, oedd yn mesur 7.7 ar y raddfa Richter, daro'r wlad fore Gwener.

Erbyn hyn mae dros 1,700 o bobl wedi marw.

Mae'r daeargryn wedi achosi difrod difrifol i seilwaith y wlad, gan gynnwys ei ffyrdd a'i rhwydweithiau cyfathrebu.

Yn ôl sefydliadau cymorth mae’r sefyllfa dyngarol yn y wlad yn debygol o waethygu.

Ar hyn o bryd mae rhyfel cartref yn y wlad, rhwng  y llywodraeth filwrol, grwpiau gwrthryfelwyr a’r lluoedd arfog.

O achos grym y daeargryn mae Gwlad Thai hefyd wedi cael ei heffeithio. 

Yn Bangkok, prifddinas Gwlad Thai, mae miloedd wedi gorfod gadael adeiladau sydd wedi eu difrodi.

Mae 18 o bobl wedi marw yno ar ôl i ddwr uchel ddymchwel yn sgil y daeargryn.

Mae’r ymdrechion yn parhau i geisio rhyddhau 76 o weithwyr adeiladu sydd yn dal i fod yn sownd o dan yr adeilad.