Mae pentref Aberffraw yn le gwyliau poblogaidd iawn.

Mae nifer o'r tai yma, erbyn hyn yn ail-gartrefi neu'n gartrefi gwyliau.

Sut felly, mae'r bobl leol yn ei gweld hi o ran denu pobl ifanc yn ol i fyw yma?

Roedd hi'n brysur yn y dafarn, yn bobl leol ac ymwelwyr.

"Does dim byd i neb rwan."

Be ddylen nhw wneud?

"'Sa Wylfa'n gwneud.

"Os 'sa nhw'n dod a Wylfa arall, 'sa 'na obaith o waith i'r hogiau.

"Dyna ydy o, de."

"Sbiwch o gwmpas. Hen bobl i gyd.

"Mae pobl yn dod i fyw yma m'ond i retireio.

"Sgennych chi ddim chance, nagoes? Does na'm byd yma i'r hogiau ifanc."

Yn gweithio tu ol i'r bar, dau o bobl ifanc yr ardal.

"Mae 'na lot mwy o bethau 'sa nhw'n gallu gwneud yma."

Fel be?

"'Dan ni angen mwy o opportunities efo sports yma.

"Does dim hanner digon i bobl ifanc, genod especially."

"'Swn i'n hoffi gallu mynd ar y cychod i 'sgota.

"Dyna be sy'n neis am fan'ma."

Fyddach chi'n gallu aros ar yr ynys i weithio?

"'Swn i'n licio mynd i ffwrdd i weithio ar y cychod.

"Me 'na well opportunities a ballu.

"Ond byswn i'n gallu aros hefyd."

Mewn byd lle mae mwy yn medru gweithio o bell ac o adref mae'r Aelod Seneddol lleol yn gobeithio y gall harddwch naturiol yr ynys roi cydbwysedd gwell i bobl ifanc rhwng bywyd a gwaith.

"Mae o'n realiti.

"Yn y swydd flaenorol welais i bobl yn gadael y cyngor er mwyn mynd i weithio i sefydliadau yng Nghaerdydd a Llundain, ond dal yn byw adref.

"Mae o yn realiti.

"Mae o'n bwysig bod ni'n gweld gwerth ein bod yn byw mewn amgylchedd mor braf yn Ynys Mon.

"Be mae hynny'n gwneud lles i ni. Mae balans i gael.

"Mae isio dangos bod o'n bosib ar yr ynys.

"Dod a datblygiadau tai i fewn a nifer o agweddau i fewn i sicrhau bod pobl yn dod nol i Ynys Mon i fyw, bod gynnon nhw gartre da yma a gwasanaethau i wasanaethu teuluoedd."

Mae angen edrych tu hwnt i be sy ddim ar yr ynys a mantesio ar be sy yma yn ol nifer a cheisio cadw'r Monwysion ifanc rhag hedfan i ffwrdd.