Mae tua 20 o gerbydau wedi cael eu difrodi tu allan i safle ceir Tesla yn Belfast.

Cafodd amryw un o'r ceir eu difrodi gyda tholciau ar rai ac eraill wedi colli eu drychau ochr.

Derbyniodd yr heddlu adroddiad ddydd Sul am y digwyddiad yn y safle yn ardal Ffordd Boucher yn ne Belfast.

Dywedodd datganiad gan Gwasanaeth yr Heddlu Gogledd Iwerddon fore Llun: “Credir bod y difrod wedi digwydd rhywbryd yn ystod y 24 awr ddiwethaf.

“Mae tua 20 o gerbydau wedi’u targedu. Mae drychau ochr y rhan fwyaf wedi'u tynnu i lawr, tra bod ffenestri eraill hefyd wedi cael eu malu neu wedi derbyn tolciau i'r corff.

“Mae ymholiadau i sefydlu amgylchiadau’r digwyddiad yn parhau.”

Mae swyddogion wedi apelio ar unrhyw dystion neu unrhyw un sydd â gwybodaeth am y fandaliaeth i gysylltu gyda nhw.

Llun: PA