Mae Craig Bellamy wedi cyhoeddi carfan o 26 chwaraewr ar gyfer dechrau’r ymgyrch ragbrofol Cwpan y Byd FIFA 2026.

Bydd Cymru yn wynebu Kazakhstan yn Stadiwm Dinas Caerdydd ar nos Sadwrn 22 Mawrth, a Gogledd Macedonia yn Skopje nos Fawrth 25 Mawrth.

Mae’r chwaraewr canol cae Kai Andrews yn derbyn ei alwad gyntaf i’r garfan, ac mae Tom Lawrence hefyd yn rhan o garfan Craig Bellamy am y tro gyntaf. 

Ni fydd Aaron Ramsey ar gael oherwydd anaf.

Bydd Ollie Cooper hefyd yn dychwelyd i’r garfan ar ôl colli ei le ym mis Tachwedd oherwydd anaf, ond ni fydd Harry Wilson, Ethan Ampadu, Wes Burns a Rhys Norrington-Davies ar gael oherwydd anafiadau.

Ar gyfer yr ymgyrch ragbrofol, bydd Cymru yn cystadlu yng Nghrŵp J yn erbyn Gwlad Belg, Gogledd Macedonia, Kazakhstan a Liechtenstein. 

Bydd enillydd y grŵp yn cyrraedd rowndiau terfynol Cwpan y Byd. 

Bydd y pedwar lle sydd ar ôl yn y gystadleuaeth yn cael eu penderfynu trwy gemau ail-gyfle sy’n cynnwys yr 12 tîm a orffennodd yn ail yn eu grwpiau a phedwar tîm o’r pencampwriaeth Cynghrair y Cenhedloedd llynedd.

Cymru: Danny Ward (Leicester City), Karl Darlow (Leeds United), Adam Davies (Sheffield United), Ben Davies (Tottenham Hotspur), Joe Rodon (Leeds United), Chris Mepham (Sunderland- Ar fenthyg o Bournemouth), Ben Cabango (Abertawe), Connor Roberts (Burnley), Neco Williams (Nottingham Forest), Jay Dasilva (Coventry City), Tom Lawrence (Rangers), Joe Allen (Abertawe), Josh Sheehan (Bolton Wanderers), Jordan James (Stade Rennais), Ollie Cooper (Abertawe), Kai Andrews (Motherwell- Ar fenthyg o Coventry City), Sorba Thomas (Nantes- Ar fenthyg o Huddersfield Town), David Brooks (Bournemouth), Kieffer Moore (Sheffield United), Brennan Johnson (Tottenham Hotspur), Daniel James (Leeds United), Liam Cullen (Abertawe), Nathan Broadhead (Ipswich Town), Mark Harris (Oxford United), Lewis Koumas (Stoke City- Ar fenthyg o Liverpool), Rabbi Matondo (Hannover 96- Ar fenthyg o Rangers).