Mae Heddlu Gwent yn apelio am dystion wedi  gwrthdrawiad ar Heol Aneurin, Penyrheol ar 28 Chwefror.

Bu farw dyn 22 oed oedd yn gyrru'r beic modur yn y digwyddiad - oedd yn wrthdrawiad rhwng ei feic a fan wersylla. 

Nid oedd y fan yn teithio ar y ffordd ar y pryd gan ei bod wedi ei pharcio cyn y gwrthdrawiad.

Mae teulu'r dyn a fu farw wedi cael gwybod ac yn cael cymorth gan swyddogion arbenigol.

Mae dyn 30 oed wedi’i arestio ar amheuaeth o achosi marwolaeth drwy yrru’n beryglus, ac mae bellach wedi’i ryddhau dan ymchwiliad.

Mae'r heddlu'n gofyn i unrhyw un sydd â gwybodaeth, neu luniau camera dashcam neu deledu cylch cyfyng yn yr ardal ar adeg y gwrthdrawiad i gysylltu â nhw.

Mae'n nhw'n gofyn yn benodol am wybodaeth am  gar Vauxhall Adam coch i gysylltu gyda nhw gan eu bod yn credu ei fod yn yr ardal ar y pryd.