Mae dyn o Awstralia a roddodd waed 1,173  o weithiau wedi marw. 

Roedd James Harrison yn 88 oed.

Yn cael ei adnabod fel y dyn â'r 'Fraich Aur', fe helpodd gwaed Harrison i arbed tua 2.4 miliwn o fywydau babanod, dros gyfnod o 60 mlynedd.  

Bu farw yn ei gwsg mewn cartref nyrsio yn nhalaith De Cymru Newydd, yn ôl ei deulu.

Derbyniodd James Harrison 13 uned o waed pan oedd yn 14 oed, wedi llawdriniaeth ar ei ysgyfaint. 

Er ei fod ofn nodwyddau, dechreuodd roi gwaed pan oedd yn 18 oed, a gwneud hynny bob pythefnos tan iddo gyrraedd 81 oed. 

Does dim modd rhoi gwaed yn Awstralia wedi'r oedran hwnnw.

Roedd James Harrison hefyd yn ymgyrchydd a oedd yn annog eraill i roi gwaed, ac roedd yn cynnal sgyrsiau yn rheolaidd. 

Dywedodd gwasanaeth gwaed y Groes Goch yn Awstralia ei fod yn “un o roddwyr gwaed mwyaf toreithiog y byd.”

Yn 2005, hawliodd ei le yn y ‘Guinness World Records’ oherwydd iddo roi gymaint o waed a phlasma. Roedd y record honno ganddo tan 2022.