Mae dyn 40 oed wedi cyfaddef dynladdiad dyn 22 oed ar ôl ei daro ddwywaith tra ar noson allan yn Llanelli.

Plediodd Jason Thomas yn euog i ddynladdiad yn Llys y Goron Abertawe ddydd Llun.

Achosodd anafiadau angheuol i ben Liam Morgan-Whittle ar nos Sul, 25 Mawrth, 2023.

Cafodd Heddlu Dyfed Powys eu galw i gyfeiriad yn Stryd Robinson yn oriau mân y bore, lle’r oedd parafeddygon yn rhoi cymorth i Morgan Whittle.

Cafodd Thomas ei arestio ar amheuaeth o ymosod gan achosi niwed corfforol difrifol.

Roedd y ddau yn adnabod ei gilydd drwy ffrind arall, a chafodd yr heddlu wybod eu bod wedi bod mewn anghydfod a wnaeth arwain at y digwyddiad.

Bu farw Morgan Whittle yn fuan ar ôl cyrraedd yr ysbyty.

Cafodd Thomas ei gyhuddo o ddynladdiad ac fe blediodd yn euog ar y diwrnod pan oedd ei achos llys i fod i gychwyn.

Bydd yn cael ei ddedfrydu ar 3 Mawrth.

Prif lun: Liam Morgan-Whittle (gan Heddlu Dyfed Powys)