Mae seren Michelin wedi ei rhoi i fwyty am y tro cyntaf yng Nghaerdydd.

Bwyty Gorse sydd wedi ei lleoli ym Mhontcanna sydd wedi derbyn y wobr.

Tom Waters yw’r cogydd, dyn sydd â phrofiad o weithio yn rhai o fwytai mawr Lloegr fel The Square a bwyty The Fat Duck o dan arweiniad Heston Blumenthal.

Cafodd y gwobrau eu cyflwyno yn ystod seremoni ym Manceinion nos Lun.

Cafodd 22 o fwytai eraill seren Michelin am y tro cyntaf hefyd gan gynnwys naw yn Llundain, tri yn Iwerddon a dau yn yr Alban.

Yn ogystal cafodd bwyty figan seren Michelin am y tro cyntaf erioed.